ජනාධිපතිවරණයේදී මං පොහොට්ටුවට ඡන්දය දෙන්නේ නෑ.. නමුත් මං ඡන්දය වෙන කෙනෙකුට දානවා.. ගෝඨා පරදිනවාමයි - වෙල්ගම වැට පැන කියයි

ඉදිරි ජනාධිපතිවරණයේදී තමන් ශ්‍රී ලංකා පොදුජන පෙරමුණට කිසිසේත්ම ඡන්දය ලබා නොදෙන බව පාර්ලිමේන්තු මන්ත්‍රී කුමාර වෙල්ගම මහතා පවසයි.

පොදුජන පෙරමුණට ඡන්දය නොදුන්න ද තමන් තම ඡන්දය භාවිතා කරන බවද ඔහු සඳහන් කළේය.

ඉදිරි ජනාධිපතිවරණයෙන් ශ්‍රී ලංකා පොදුජන පෙරමුණ ස්ථිර වශයෙන්ම පරාජය වන බව ද ඔහු පැවසුවේය.

නියම ශ්‍රී ලංකා නිදහස් පාක්ෂිකයන් තමන් සමග සිටින බවත් එනිසාම පොහොට්ටුව පරාජයට පත් වන බව ද ඔහු සඳහන් කළේය.

ශ්‍රී ලංකා නිදහස් පක්ෂ ආසන සංවිධායකවරුන් සහ පළාත් පාලන මන්ත්‍රීවරුන් පිරිසක් කොළඹදී අමතමින් ඔහු මෙම අදහස් පළ කරන ලදී.