රිෂාඩ් බදුර්දින්ගේ රථ පෙළකට "ගල් ප්‍රහාරයක්"

හිටපු අමාත්‍ය රිෂාඩ් බදුර්දීන් ගමන් කළ රථ පෙළකට ගල් ප්‍රහාරයක් එල්ලවී ඇති බව මුන්දලම පොලිසිය සඳහන් කර සිටිනවා. අද (24) සවස 5.45ට පමණ මෙම මදුරන්කුලිය,කදයාමට්ටේ ප්‍රදේශයේ දී මෙම ගල් ප්‍රහාරය එල්ලවී ඇති බව සඳහන්.

ගල් ප්‍රහාරයෙන් හිටපු අමාත්‍ය රිෂාඩ් බදුර්දීන් ගමන් කළ කාර් රථයට සුළු හානි සිදුව ඇති බවයි පොලිසිය සඳහන් කරන්නේ. සිද්ධියෙන් කිසිවෙකුටත් තුවාල සිදුවී නැත.

මෙම ගල් ප්‍රහාරය කවුරුන් විසින් එල්ල කලාද යන්න සම්බන්ධයෙන් මෙතෙක් අනාවරණය වී නොමැති අතර මුන්දලම පොලිසිය වැඩිදුර විමර්ශන සිදුකරයි.