බන්ධනාගාර නිලධාරීන් 77%කගේම ශරීරය දුබලයි... මෙන්න හිරගෙදර ඇත්ත වාර්තාව!
බන්ධනාගාර දෙපාර්තමේන්තුවේ සේවය කරන නිලධාරීන්ගෙන් 77%කට සහ නිලධාරිනියන්ගෙන් 56%කටම ශාරීරික දුබලතා පවතින බව 2025 කාර්ය සාධන විගණන වාර්තාවෙන් අනාවරණය වී තිබේ!
📊 වාර්තාවේ ඇතුළත් ප්රධාන දත්ත කිහිපයක්:
ශාරීරික දුබලතා: පිරිමි 77% | කාන්තා 56%
අධිරුධිර පීඩනය: පිරිමි 28% | කාන්තා 16%
දියවැඩියාව: පිරිමි සහ කාන්තා දෙපිරිසෙන්ම 14%
කොලෙස්ටරෝල්: පිරිමි නිලධාරීන්ගෙන් 13%
වකුගඩු අකර්මණ්යතාව: ඇතැම් නිලධාරීන් අතර මෙම තත්ත්වයද පෙන්නුම් කරයි.
🚬🍷 හානිකර ඇබ්බැහිවීම් සහ රෝග අවදානම:
පිරිමි නිලධාරීන්ගෙන් 29%ක් දුම්පානය කරන අතර 26%ක් බුලත්විට පාවිච්චි කරති.
කාන්තා නිලධාරිනියන්ගෙන් 5%ක් බුලත්විට පාවිච්චි කරති.
පිරිමි නිලධාරීන් අතර මත්පැන් පානය කිරීම ඉතා ඉහළ ව්යාප්තියක් පෙන්නුම් කරයි.
මෙම අහිතකර හැසිරීම් සහ ජීවන රටාවන් හේතුවෙන් නිලධාරීන් අතර හෘදරෝග, පරිවෘත්තීය රෝග සහ මුඛ පිළිකා වැනි මාරාන්තික රෝග ඇතිවීමේ බරපතල අවදානමක් මතුව තිබේ. 😷📉
🩺 මෙය අනාවරණය වූයේ කෙසේද?
නිලධාරීන්ගේ සෞඛ්ය තත්ත්වය ඉහළ නැංවීමේ අරමුණින් පසුගිය වසරේ අගෝස්තු 12 සහ 13 යන දිනයන්හි පවත්වන ලද බෝනොවන රෝග (NCD) පිළිබඳ විශේෂ වෛද්ය සායනයේදී මෙම තොරතුරු අනාවරණය වී ඇත.
අපගේ ආරක්ෂාව සහ නීතිය පවත්වා ගැනීමට වෙහෙසෙන නිලධාරීන්ගේ සෞඛ්යය වෙනුවෙන් කඩිනම් පියවර ගැනීම කාලීන අවශ්යතාවකි.
මේ පුවත තව අයට බලන්න
No comments: