සජිත් දිනවන්න හකීම්, බදුර්දීන්, චම්පික, මනෝ පක්‍ෂ නායකයන් එකග වෙයි.. රනිල්-සජිත් සුසංයෝගයෙන් ජනාධිපතිවරණයට !

එක්සත් ජාතික පක්ෂයේ නියෝජ්‍ය නායක ඇමැති සජිත් ප්‍රේමදාස මහතා ජනාධිපතිවරණයට අපේක්ෂකයා ලෙස තරඟ වදින්නේ නම් ඔහුට එක්සත් ජාතික පෙරමුණේ නායකයන්ගේ සම්පූර්ණ සහාය ලැබී ඇති බව කැබිනට් නොවන ඇමැති හර්ෂ ද සිල්වා මහතා පවසයි.

රවුෆ් හකීම්, රිෂාඩ් බදුර්දීන්, චම්පික රණවක, මනෝ ගනේෂන් ඇතුළු නායකයන් සජිත් ප්‍රේමදාස මහතාට සහාය ලබාදීමට සම්පූර්ණ කැමැත්ත පළ කර ඇති බව ද ඔහු පැවසීය.

ඒ අනුව ජනාධිපතිවරණය සඳහා පක්ෂ නායක රනිල් වික්‍රමසිංහ මහතා ගේ එකඟතාවය ලබා ගැනීමෙන් පසු රනිල්ස-ජිත් සුසංයෝගය ඉදිරි ජනාධිපතිවරණය ජය ගැනීමට කටයුතු කරන බවද ඔහු සඳහන් කළේය.

සජිත් ප්‍රේමදාස මහතාට ජනාධිපතිවරණයේදී සහයෝගය ලබාගැනීම සඳහා සිවිල් සමාජ ක්‍රියාකාරීන් සහ අනෙක් දේශපාලන පක්ෂ සමග මේ දිනවල සාකච්ඡා කරමින් සිටින බවද ඔහු තවදුරටත් කියා සිටියේය.