ගෝටාභය පැත්තකට කර දමා මහින්දගේ කල්ලිය පෙර පුරුදු වැඩ කරනවා - මන්ත්‍රී හේෂා

නව ආණ්ඩුව පත්වී මාස දෙකක් ගතවන්නට පෙර දේශපාලන දඩයම ආරම්භවී ඇතැයි එක්සත් ජාතික පක්ෂ පාර්ලිමේන්තු මන්ත්‍රී හේෂා විතානගේ මහතා සඳහන් කරයි.

ගෝටාභය රාජපක්ෂ මහතාට ජනවරමක් ලබා දී ඇත්තේ ඒ සදහා නොව රට ඉදිරියට ගෙන යාම සදහා යයිද ඔහු පැවසීය.
අද වන විට ගෝඨාභය රාජපක්ෂ මහතා පැත්තක තනිකර ගමන් මහින්ද රාජපක්ෂ මහතා ඇතුළු කල්ලිය පෙර පුරුදු වැඩ ආරම්භ කර ඇතැයිද ඔහු සඳහන් කළේය.

දේශපාලන දඩයම මේ ආකාරයෙන් ක්‍රියාත්මක වීම මෙරට ප්‍රජාතන්ත්‍රවාදය වලපල්ලට යැවීමක් බවද මන්ත්‍රීවරයා කියා සිටියේ මාධ්‍ය හමුවක් අමතමිනි.