අනුරුද්ධ සම්පායෝට ඇප ලැබෙයි !

මීගමුව බන්ධනාගාරයේ හිටපු අධිකාරී අනුරුද්ධ සම්පායෝ ඇතුළු බන්ධනාගාර නිලධාරීන් සිව් දෙනා මීගමුව මහෙස්ත්‍රාත් අධිකරණය විසින් අද (31) ඇප මත නිදහස් කර තිබේ.

අධිකරණය මගහැර සිටි අනුරුද්ධ සම්පායෝ මෙම මස 02 වැනිදා අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබීය.

මීගමුව බන්ධනාගාරයේ රැඳවියන්ට පහසුකම් සැපයීම සම්බන්ධයෙන් සම්පායෝ ඇතුළු නිලධාරීන් සිව් දෙනෙකුට එරෙහිව චෝදනා එල්ල වී තිබෙන අතර ඔහු ඇතුලු සිව්දෙනා අත්අඩංගුවට ගෙන අධිකරණය වෙත ඉදිරිපත් කරන්නැයි මීගමුව මහේස්ත්‍රාත් අධිකරණය වරෙන්තු නිකුත් කළේ ජූලි 22 වැනිදාය.ඒ අනුව වරෙන්තු ලැබූ නිලධාරීන් තුන්දෙනෙකු අපරාධ පරික්ෂණ දෙපාර්තමේන්තුවට සහ අධිකරණය වෙත භාර වී තිබු අතර අධිකරණය විසින් ඔවුන් රක්ෂිත බන්ධනාගාරගත කර තිබුණි.