රජයට ඇති තරම් සල්ලි තියෙනවා.. සුදර්ශනී ඉන්නේ මානසික පීඩනයක.. මයික් ඇල්ලුවම ඔහොම තමයි - ජොන්ස්ටන්

රජයට මුදල් අර්බුදයක් නැති බවත් ඇති තරම් මුදල් තිබෙන බවත් මහාමාර්ග ඇමති ජොන්ස්ටන් ප‍්‍රනාන්දු මහතා පවසයි.

සුදර්ශනී ප‍්‍රනාන්දු පුල්ලේ ඇමතිනිය ඉන්නේ මානසික පීඩනයක බවත් එනිසා මයික් ඇල්ලු විට එවන් දේ අසන බවත් ඔහු සදහන් කලේය.

කොරෝනා පාලනය සදහා රජයට මුදල් නැති බවත් දානපතියන් සුළු දෙයකින් හෝ රජයට සෞඛ්‍ය අමාත්‍යංශයට උදවු කරන ලෙසටත් කොරෝනා පාලන රාජ්‍ය ඇමතිනී සුදර්ශිනී ප‍්‍රනාන්දු පුල්ලේ මහත්මිය විසින් මෑතකදී කරන ලද ප‍්‍රකාශයට ප‍්‍රතිචාර දක්වමින් ඇමතිවරයා මේ අදහස් පල කලේය.

හිරු රූපවාහිනියේ පැවති සලකුණ වැඩසටහනේදී ඔහු මෙම අදහස් පල කරන ලදී.

‘එතුමිය මං හිතන්නේ ඉතාමත් සංවේදී කතාවක් කරන්නේ. එතුමිය මටත් පේනව ගොඩක් ස්ටෙ‍්‍රස් මේ ප‍්‍රශනෙත් එක්ක. එතුමිය සාමාන්‍යයෙන් ඔ්නෑම ඇමතිවරයෙක් ඔය වගේ ප‍්‍රශ්ණයක් අහපුවාව ජනතාවගේ සහයෝගය ජනතාව අවදිකරවන්න ජනතාව දැනුවත් කරන්න. දැං ඉන්දියාව ගැන පෙන්නුවෙ නැත්නම් අද අපේ අය කොහෙද ඉන්නෙ. ලොක්ඩවුන් කරන්න නෙමෙයි එහෙනං අපේ අය කාමත් පාටි දම දමා ඉන්නෙ. ඒක තමයි ඇත්ත තත්වය. එනිසා සංවේදි විදිහට එතුමිය ඉල්ලන්නෙ. ඇමතිවරු මයික් එකක් එල්ලුවම ඔය වගේ අහනව. නමුත් මම ඉතාම වගකීමෙන් කියනව මුදල් ප‍්‍රශ්ණයක් රජයට නෑ’