විධායක ජනාධිපති ක‍්‍රමය අහෝසි කරන්න අගමැති සහ මා ජනපති සමග සාකච්චා කලා - රවි කරුණානායක

විධායක ජනාධිපති ක්‍රමය අහෝසි කිරීම සඳහා තමන් සහ අගමැති රනිල් වික්‍රමසිංහ මහතා සාකච්ඡාවට සහභාගි වූයේ ජනාධිපතිවරයාගේ ඉල්ලීමක් මත බව ඇමැති රවි කරුණානායක මහතා සඳහන් කරයි.

ජනාධිපතිවරයා විසින් කළ ඉල්ලීමක් අනුව ඇමති මණ්ඩල රැස්වීමෙන් පසුව තමන් හා අගමැතිවරයා ජනාධිපති ලේකම් කාර්යාලයේදී මෙම සාකච්චාව පැවැත්වූ බවද ඔහු පැවසීය.

විසිවෙනි ව්‍යවස්ථා සංශෝධනය සම්මත කර විධායක ජනාධිපති ක්‍රමය අහෝසි කිරීමට සහාය දක්වන ලෙස ජනාධිපතිවරයාගෙන් ඉල්ලා සිටි බවද ඔහු සඳහන් කළේය.

නමුත් ඒ සඳහා නම් මහින්ද රාජපක්ෂ මහතාගේ පාර්ශවයේ අනුමැතිය අනිවාර්ය බව අගමැතිවරයා සඳහන් කළේ යැයිද කරුණානායක මහතා කියා සිටියේය.

ජනාධිපති ක්‍රමය අහෝසි කිරීමට ජනාධිපතිවරයා සමඟ සාකච්ඡා කළ බව සත්‍ය බවත් නමුත් එම හමුව සිදුවූයේ ජනාධිපතිවරයාගේ ආරාධනාවක් මත බවද ඔහු වැඩිදුරටත් පැවසීය.