මැතිවරණයෙන් දිනා සජිත් අගමැති වූ පසු ජනාධිපති සමග රට කරන වැඩපිලිවෙල හදලා අවසන් - හර්ෂ ද සිල්වා

ඉදිරි පාර්ලිමේන්තු මැතිවරණය ජයග්‍රහණය කිරීමෙන් පසු අගමැති සජිත් ප්‍රේමදාස මහතාගේ නායකත්වයෙන් රට ඉදිරියට ගෙන යාමට වැඩ පිළිවෙළක් සකස් කර ඇති බව හිටපු පාර්ලිමේන්තු මන්ත්‍රී හර්ෂ ද සිල්වා මහතා සඳහන් කරයි. මැතිවරණ ජයග්‍රහණයෙන් පසු ජනාධිපති ගෝඨාභය මහතා සමගින් එක්ව රට වෙනුවෙන් කටයුතු කිරීමට සූදානම් යැයිද ඔහු පැවසීය.

මෙම මැතිවරණයෙන් ජය ගැනීම ගැන සමගි ජන බලවේගය දැඩි විශ්වාසයක් තිබෙන බවත් ජනාධිපති ගෝඨාභය රාජපක්ෂ මහතාට අවශ්‍ය වන්නේ වැඩ කළ හැකි සහ අලුතින් සිතන පිරිසක් නම් ඒ වෙනුවෙන් ඔහුට තම පක්ෂයේ සහයෝගය ලබාදෙන බව ද මන්ත්‍රීවරයා කියා සිටියේය.

කොළඹ පැවති මාධ්‍ය හමුවකදී ඔහු මෙම අදහස් පල කලේය.