ආණ්ඩුව දෝෂාභියෝග චෝදනාවක් ගේන්න සූදානම් වෙයි! අභියාචනාධිකරණයේ සභාපති විනිසුරු බන්දුල කරුණාරත්න තනතුරින් ඉල්ලා අස්වීමට තීරණය කරයි!

අභියාචනාධිකරණ (CA) සභාපති නිශ්ශංක බන්දුල කරුණාරත්න මහතා සිය ධුරයෙන් ඉල්ලා අස්වීමට නියමිතව ඇති බව සන්ඩේ ටයිම්ස් පුවත්පත වාර්තා කොට තිබේ. ජාතික ජන බලවේගය (NPP) රජය ඔහුට එරෙහිව දෝෂාභියෝග යෝජනාවක් ඉදිරිපත් කිරීමට සැලසුම් කර ඇති පසුබිමක මෙම තීරණය ගෙන ඇත.

විනිසුරු කරුණාරත්න මහතා මේ මස අවසානයේ සිය ඉල්ලා අස්වීම ඉදිරිපත් කිරීමට නියමිත බව දැනගන්නට ඇත.

අභියාචනාධිකරණ විනිසුරුවරුන්ගේ විශ්‍රාම යන වයස වන වයස අවුරුදු 63 ඉක්මවීමෙන් පසු ඔහු මේ වසරේ ජුනි 16 වන දින විශ්‍රාම යාමට නියමිතව සිටියේය.

නියෝජ්‍ය අමාත්‍යවරයෙකු ඊයේ සන්ඩේ ටයිම්ස් පුවත්පතට තහවුරු කර ඇත්තේ රජය භියාචනාධිකරණයේ සභාපතිවරයාට එරෙහිව දෝෂාභියෝග යෝජනාවක් ගෙන ඒමට සැලසුම් කර ඇති බවයි. විනිසුරු කරුණාරත්න මහතාගේ මෑත කාලීන ක්‍රියාකාරිත්වය උපුටා දක්වමින් එම යෝජනාව ගෙන ඒමට නියමිතව තිබුණි.

-mawratanews