අභිරහස් ලෙස මියගිය පාසල් සිසුවාගේ මරණය සම්බන්ධයෙන් 22 හැවිරිදි තරුණයෙකු සැකපිට අත්අඩංගුවට
කටුවන වල්ගම්මුල්ල පුවක්ගස් ආර ප්‍රදේශයේදී 13 හැවිරිදි පාසල් සිසුවෙකු සිය නිවසේදී අභිරහස් ලෙස මිය යාමේ පුවතක් අප ඊයේ වාර්තා කළා. සිය නිවසේ මව සහ පියා නොසිටි මොහොතක එම දරුවා නිවසේ ජනේලයක එල්ලී සිය දිවි හානි කරගන්නට ඇති බවටයි මුලින් සැක පළවී තිබුණේ.
කෙසේ වෙතත් එම දරුවාගේ මරණය සම්බන්ධයෙන් සිදුකල පරීක්ෂණයේදී එය සියදිවි හානිකර ගැනීමක් නොවන බවත්, සැකකටයුතු මරණයක් බවට අනාවරණය වී තිබෙනවා. ඒ අනුව සිදුකළ විමර්ශනයේදී සිද්ධිය සම්බන්ධයෙන් 22 හැවිරිදි පුද්ගලයෙකු සැකපිට අත්අඩංගුවට ගෙන ඇති අතර අත්අඩංගුවට ගනු ලැබූ පුද්ගලයා ඊයේ (20) දිනයේදී වලස්මුල්ල මහේස්ත්‍රාත් අධිකරණයට ඉදිරිපත් කිරීමට නියමිතව තිබෙනවා.
මෙලෙස මියගොස් ඇත්තේ වල්ගම්මුල්ල මහා විද්‍යාලයේ 8 වැනි වසරේ ඉගෙනුම ලැබූ නදුන් නෙත්සර ඩයස් ගුණවර්ධන නමැති පාසල් සිසුවෙකු වන අතර 19 වන දින පෙරවරු 8.30 ට පමණ මෙම මරණය සිදුව තිබුණා.
මෙම සිදුවීම සිදුව ඇති මොහොතේ මියගිය පාසල් සිසුවා ගේ පියා සිය ව්‍යාපාරය සඳහා පිටත්ව ගොස් ඇති බවත් මව සහල් ගෙන ඒම සඳහා නිවස ආසන්නයේ පිහිටි වෙළඳසැලට ගොස් සිටි බවත් මියගිය සිසුවා නිවසේ තනිව සිට ඇති බවටත් තොරතුරු ලැබී ඇති බවයි පොලිසිය සඳහන් කළේ.
No comments: