කොවිඩ් මෘත දේහයන් භූමදානය නොකරන්නැයි විරෝධතා.. ‘එක රටක් එක නීතියක්’ ඉල්ලයි.. (video)

කොවිඩ් වසංගත තත්ත්වය හමුවේ මියයන පුද්ගලයන්ගේ දේහයන් භූමදානය නොකරන ලෙස ඉල්ලමින් අද (26) පෙරවරුවේ නිහඬ විරෝධතාවයක් පැවැත්වුණි.

ඒ කළුතර නගර මධ්‍යයේදී පැවැත්වුණු එම විරෝධතාවය සංවිධානකර තිබුණේ ‘රටට හෙටක්’ සංවිධානය විසින් ය.

“විවිධ තැන්වල භූමදානයට ඉඩ ඉල්ලා විරෝධතා පැවැත්වෙනවා. ඒ එක තැනකදි තරුණයෙක් කියනවා භූමදානයට ඉඩ නොදුන්නොත් ශරීරයට ගිනි තියාගෙන මැරෙනවා කියලා. පණපිටින් ශරීරයට ගිනි තියාගෙන මැරෙනවා නම් භූමදානය කරන්න ඕනා කියලා කරන ඉල්ලීම මොකක්ද? ඒ අය දේහය ආදාහනය කිරීමට විරුද්ධවන කිසිම තර්කයක් ඒ අය තුළ නෑ,” යැයි එහිදී මාධ්‍යය අමතමින් පූජ්‍ය තෙඹුවන පියනන්ද හිමි එහිදී සඳහන් කරන ලදි.