පොහොට්ටුවෙන් රට පුරා ‘හෝම් ෂොප්’ කඩ 14,000ක්... පොහොට්ටුවේ අයට බඩු ගන්න 2000ක කූපන් එකක්.. බැසිල් ලියුම යවලත් ඉවරයි!

ජනතාවට අඩු මිලට බඩුභාණ්ඩ ලබා ගැනීම සදහා රටම ආවරණය වන පරිදි එක් ගමකට එක් කඩයක් බැගින් කඩ 14,000ක් ලබා දීමට බැසිල් රාජපක්ෂ මහතා සැලසුම් කර ඇත.

එම කඩ ‘හෝම් ෂොප්’ ලෙස නම් කිරීමටත්, ‌ගමේ සිටින පොහොට්ටුවේ පාක්ෂිකයකුට එම කඩය ලබා දීමටත් බැසිල් රාජපක්ෂ මහතා සැලසුම් කොට තිබේ.

එමෙන්ම එම කඩයට සතොස හා සමූපාකාර ආයතනවලින් බඩු භාණ්ඩ ලබා දීමටත් තීරණය කොට ඇත.

මීට අමතරව ඉන්දියාවෙන් ලබා දීමට නියමිත ඩොලර් බිලියනයක ණය මුදලින් ලබා ගන්නා භාණ්ඩද මෙම වෙළෙදසැල් වෙතින් අඩු මිලට ලබා දීමට බැසිල් රාජපක්ෂ මහතා සැලසුම් කර ඇති බව වාර්තා වේ.

එමෙන්ම එම භාණ්ඩ ‌ලබා ගැනීමට පොහොට්ටුවේ තෝරාගත් සාමාජිකයන් හට රුපියල් 2000ක වටිනාකමකින් යුත් කූපනයක් ලබා දීමට තීරණය වී ඇති බව පැවසේ.