මේ විරෝධතා සුනාමියේ පළමු රැල්ල වගේ... දෙවෙනි රැල්ලෙන් අපි ඔක්කොම කපෝතියි – හිටපු විගණකාධිපති

පාර්ලිමේන්තුව සම්පූර්ණයෙන්ම අසාර්ථක බව මේ වන විට රටට පෙන්නුම් කර තිබෙන බව හිටපු විගණකාධිපති ගාමිණි විජේසිංහ පවසයි.

ඒ හේතුවෙන් නියෝජිතයින් සිදුකර ඇති අයුතු වත්කම් සහ වංචා දූෂණ ගැන විගණනය කිරීමට නීති සකස් කිරීම අත්‍යවශ්‍ය බව ද ඔහු සඳහන් කරයි.

“මේ වෙනකොට පාර්ලිමේන්තුව සම්පූර්ණයෙන්ම අසාර්ථකයි කියන එක රටට ඔප්පු කරලා ඉවරයි. සුනාමියේ පළවෙනි රැල්ල වගේ එකක් මේ තියෙන්නේ. ඊළඟ රැල්ල එනවා අපි ඔක්කොම ගලෝගෙන යන්න.

ඒ නිසා අපේ නියෝජිතයෝ කරලා තියෙන වංචා දූෂණ හා ඔවුන් ලබාගෙන තියෙන අයුතු වත්කම් පිළිබඳව විගණනයක් කිරීම සඳහා නීතිය සකස් කිරීම අත්‍යවශ්‍යයි. ව්‍යවස්ථාවට ඇතුළත් කරලා මේක නීතියක් බවට පත්කිරීම අනිවාර්යයෙන් කරන්න.”