හිරේ ඉන්න මහ කුඩ්ඩෝ මරන්න පාකිස්තානු කුඩ්ඩන්ගෙන් සැලැසුමක් !

බන්ධ­නා­ගා­රගතව සිටින ප්‍රධාන පෙළේ මත්ද්‍රව්‍ය ජාවා­ර­ම්ක­රු­වන් කිහිප දෙනකු බන්ධ­නා­ගා­රය තුළ­දීම ඝාත­නය කිරී­මට පාකි­ස්තා­නයේ සහ මෙරට මත්ද්‍රව්‍ය ජාවා­ර­ම්ක­රු­වන් පිරි­සක් සූදා­නම් වන බව විශේෂ කාර්ය බළකා බුද්ධි අංශය විසින් හෙළි කර­ගෙන ඇතැයි වාර්තා වේ.

පසු­ගිය කාලයේ මහා පරි­මා­ණ­යෙන් අත්අ­ඩං­ගු­වට ගැනුණු මත්ද්‍රව්‍ය තොග සම්බන්ධ තොර­තුරු ආර­ක්ෂක අංශ වෙත සැප­යූවේ මේ පුද්ගලයන් යැයි ඝාතන සැල­සු­ම්ක­රු­වන් විශ්වාස කිරීම මේ තත්ත්වයට හේතුවී ඇති බව පැවසේ.

මේ සම්බන්ධ විශේෂ වාර්තා­වක් පොලිස් විශේෂ කාර්ය බළකා බුද්ධි අංශය විසින් එහි සේනා­වි­ධා­යක ‍ජ්‍යෙෂ්ඨ නියෝජ්‍ය පොලි­ස්පති එම්.ආර්. ලතීෆ් මහතා වෙත යොමු කර ඇතැයි වාර්තා වේ.

ඒ අනුව ‍වැඩ බලන පොලි­ස්පති සී.ඩී. වික්‍ර­ම­රත්න මහතා මඟින් බන්ධ­නා­ගාර බල­ධා­රීන් දැනු­වත් කිරී­ම­ටද පිය­වර ගෙන තිබි­ය­දීත් අදාළ සිර­කරුවන් අනා­ර­ක්ෂිත කර ඇති බවට චෝද­නා­වක්ද මේ වන විට එල්ල වෙමින් තිබෙන අතර, ඒ පිටු­පස බන්ධ­නා­ගා­රයේ හිටපු ප්‍රධා­නි­යකු සිටින බවත්, ඔහු මත්කුඩු ජාවා­රම් ප්‍රධා­නීන් සමඟ සම්බ­න්ධ­කම් පව­ත්වන බවත් ‍බුද්ධි අංශ වෙත තොර­තුරු ලැබී ඇතැයි ද පැවසේ.

විශේෂ කාර්ය බළ­කාය සහ පොලිස් මත්ද්‍රව්‍ය කාර්යාං­ශය එක්ව ගෙවී ගිය මාස කිහි­පය තුළ පම­ණක් පාකි­ස්තා­නයේ සිට මෙර­ටට රැගෙන ආ හෙරො­යින් කිලෝ ග්රෑම් 1000කට වැඩි ප්‍රමා­ණ­යක් අත්අ­ඩං­ගු­වට ගනු ලැබීය.

මේ හේතු­වෙන් මේ වන විට රට තුළ දැඩි හෙරො­යින් හිඟ­යක් ඇති වී තිබෙන බවත්, එහෙ­යින් හෙරො­යින් මිල දෙ-තුන් ගුණ­ය­කින් ඉහළ ගොස් ඇති බවත් ආරක්ෂක අංශ පව­සයි.