චක්‍රලේකවලට පටහැනි දේශපාලන පත්වීම්වලින් නිවාස සංවර්ධන අධිකාරිය පුරවලා !
නිවාස සංවර්ධන අධිකාරයේ අවිධිමත් බඳවා ගැනීමේ ක්‍රියාපටිපාටිය සම්බන්ධව 2015 – 2018 කාලය තුළ රාජ්‍ය ආයතනවල සිදුව ඇතැයි පැවසෙන වංචා දූෂණ විමර්ශනයට පත්කළ ජනාධිපති කොමිසම වෙත ඉදිරිපත්ව ඇති පැමිණිල්ල සම්බන්ධව සාක්ෂි ලබාදෙමින් ඒ මහත්මිය මේ බව ප්‍රකාශ කර ඇත.
නිවාස සංවර්ධන අධිකාරියේ අනුමත සේවක සංඛ්‍යාව 2164ක් බවත් මේ වනවිට දිවයින පුරා ඇති දිස්ත්‍රික් කාර්යාල විසි පහට සේවකයන් 4500කට වැඩි පිරිසක් අනියුක්ත කර ඇති බව ප්‍රියා පෙරේරා මහත්මිය පවසා ඇත. එම පත්වීම්වලින් සියයට 95ක්ම හම්බන්තොට දිස්ත්‍රික්කයෙන් බඳවාගෙන ඇතැයි ද හම්බන්තොට ජාතික නිවාස සංවර්ධන අධිකාරියේ අනුමත සේවක සංඛ්‍යාව 77ක් වුවත්, එහි සේවකයින් 1400කට අධික පිරිසක් සේවයේ යොදවා ඇති බවත් ඒ මහත්මිය ප්‍රකාශ කර තිබේ.
මීට අමතරව උදාගම් ව්‍යාපෘතිය සඳහා දේශපාලන වශයෙන් උදව් උපකාර කරන පිරිස්වලට සහ පිටස්තර පුද්ගලයන්ට චක්‍රලේඛවලට පටහැනිව උසස්වීම්, වැටුප් වර්ධක ආදී විශේෂ වාසි ද ලබාදී ඇති බව ඒ මහත්මිය පවසා තිබේ.
ඇය වැඩිදුරටත් සඳහන් කර ඇත්තේ වයස අවුරුදු 60ට වැඩි සේවකයන් 31 දෙනෙකු නීති විරෝධීව ජාතික නිවාස සංවර්ධන අධිකාරියේ සේවයේ යොදවා ඇති බවය. ඔවුන් සේවයේ යොදවන්නේ නම් ඊට අමාත්‍ය මණ්ඩල අනුමැතියක් අවශ්‍ය බවත් එසේ අනුමැතිය ලබානොගෙන මෙම පුද්ගලයින් දේශපාලන හිතවත්කම් මත සේවයේ යොදවා ඇති බවත් ඒ මහත්මිය සඳහන් කළාය.
මෙම බඳවා ගැනීම් සම්බන්ධව විශය භාර අමාත්‍ය සජිත් ප්‍රේමදාස මහතා ඇතුළු ඉහළ නිලධාරීන්ට වගකීම පැවරෙන බව ද හිටපු පරිපාලන නිලධාරිනී එල්.එච්.ටී.ප්‍රියා පෙරේරා මහත්මිය සාක්ෂි ලබාදෙමින් පවසා ඇත.
-lankatruth
No comments: