මධුශංකට දෙවැනි අවස්ථාවක් ලැබිය යුතුයි - ලසිත් මාලිංග

කා අතිනුත් වැරදි සිදුවන බවත්, සෑම කෙනෙකුටම මෙන්ම තරුණ වේග පන්දු යවන ක්‍රීඩක ෂෙහාන් මධුශංකටත් ඔහුටම වැරදි නිවැරදි කර ගැනීමට දෙවැනි අවස්ථාවක් ලැබිය යුතු බව වේග පන්දු යවන ක්‍රීඩක ලසිත් මාලිංග කියා සිටී.


"මධුශංක යනු දිගු කාලීන ආයෝජනයක් වන අතර එය ජාතියට සම්පතක් වනු ඇත.ඔහු මත්ද්‍රව්‍ය භාවිතා කිරීම පිටුපස ඇති සැබෑ හේතු සොයා ගත යුතුයි. එය ඔහුගේ පෞද්ගලික ගැටලුවලින් ගැලවීමක් විය හැකි නමුත් ඒ සඳහා ඇති එකම සහ හොඳම විසඳුම මෙය නොවේ,” යැයි මාලිංග ඩේලි නිව්ස් පුවත් පතට පවසා තිබේ.

පසුගිය මැයි 23 වැනිදා පන්නල පොලිසිය විසින් ඔහුගේ මෝටර් රථයේ තිබී කොකේන් ග්‍රෑම් 2.7 ක් සමඟ ඔහුව අත්අඩංගුවට ගැනීමෙන් පසුව මධුශංක ශ්‍රී ලංකා ක්‍රිකට් ක්‍රීඩාවෙන් ඉවත් කර ඇත.

පසුව කුලියපිටියා මහේස්ත්‍රාත්වරයා ඉදිරියට පැමිණවීමෙන් පසුව ඔහුව ජූලි 02 (අද) දක්වා රිමාන්ඩ් භාරයට පත් කළේය.

මත්ද්‍රව්‍ය භාවිතා කරන්නන් මේ වන විටත් දුෂ්කර අවධියක් පසුකරමින් සිටින අතර මත්ද්‍රව්‍ය භාවිතය නැවැත්වීමට ඔවුන්ට අවශ්‍ය විය හැකි නමුත් ඇබ්බැහි වීම සහ අපගේ පද්ධතිය ඔහුට ද ඉදිරියට පැමිණ ඔහුට මත්ද්‍රව්‍ය නැවැත්වීමට උදව් අවශ්‍ය යැයි පැවසීම දුෂ්කර බවද මාලිංග කියා සිටී.

ඔහුව පුනරුත්ථාපනය කර නිවැරදි මාවතකට යොමු කළ යුතු යැයි පවසන ඔහු තවමත් 25 හැවිරිදි වියේ පසුවන ඔහු වැරදි මිත්‍රත්ව හා සම්බන්ධතා හේතුවෙන් මේ තත්ත්වයට පත්වන්නට ඇතැයිද කියයි.