පාපන්දු සභාපති පුටුව හිස් වෙයි? ජස්වර්ටත් බාල්දියක්!
පාපන්දු නිලවරණ කමිටුව දක්ෂිත මහතාට සහය දක්වන නාමයෝජනා 08 පමණක් අනුමත කර තිබීම කැපී පෙනේ.
මේ අනුව සභාපති ධූරයට තරග වදින ජස්වර් උමාර්ගේ පාර්ශ්වයට වැඩි වාසියක් සැලසී ඇති බව පාපන්දු විචාරක මතය වේ.
මෙම නාමයෝජනා ප්‍රතික්ෂේප කිරීමට එරෙහිව ලබන මස 03 වැනිදාට පෙර අභියාචනා ඉදිරිපත් කිරීමේ අවස්ථාව නිලවරණ කමිටුව අදාළ අපේක්ෂකයන්ට අවස්ථාව සලසා දී ඇත.
සභාපති තනතුරට නාමයෝජනා ලබාදුන් දක්ෂිත සුමතිපාල, උපසභාපති තනතුරට නාමයෝජනා දුන් ටී.එල්. උඩුවර (වත්තල ලීගය), විධායක සභික තනතුරට ඉදිරිපත් වූ නාලක දිසානායක (ශ්‍රී ලංකා පාසල්), නිහාල් පෙරේරා (වත්තල ලීගය) හා විධායක සභාවේ කාන්තා නියෝජනයට ඉදිරිපත් වූ හේෂිණී ආරියරත්න (දෙනියාය ලීගය) යන මහත්ම මහත්මීන්ගේ නාම යෝජනා මෙලෙස නාමයෝජනා ප්‍රතික්ෂේප කර තිබේ.
කලකදි වහ කලකදි රහයි !
දක්ෂිත මහතාගේ පාර්ශ්වයේ අභියාචනාද ප්‍රතික්ෂේප වුවහොත් හිටපු සභාපති ජස්වර් උමර් මහතා නිතරගයෙන් සභාපති තනතුරට පත්වන අතර අනෙක් ප්‍රධාන තනතුරු 04ට ද නිතරග අවස්ථා හිමි වනු ඇත.
නිලවරණ කමිටුව හිටපු සභාපති ජස්වර් උමර් මහතාගේ නාමයෝජනා 13ම අනුමත කිරීම පිළිබඳව ද පාපන්දු ක්ෂේත්‍රයේ කතා බහට ලක්ව තිබේ.
ඒ ජස්වර් පසුගිය නිලවරණයේදී සභාපති ධූරයට තරග වැදීමට නාම යෝජනා ලබා දී තිබියදී අවසන් මොහොතේ ඔහුට තරග වැදීමට නොහැකි බව කියමින් ක්‍රීඩා අමාත්‍යාංශය ඔහුව තරගවැදීමට නුසුදුස්සකු සේ නම්කර .තිබීම නිසාය.
එසේ ක්‍රීඩා ඇමතිවරයා විසින් ප්‍රතික්ෂෙප කරන ලද අයකු නැවත වරක් සුදුස්සකු වීම පිළිබඳව බොහෝ දෙනා විමතිය පල කර සිටිති.
මීට වසර කිහිපයකට පෙර ක්‍රීඩා අමාත්‍යාංශයේ දූෂණ මර්ධන ඒකකය මගින් ජස්වර් ඉදිරියේ කිසිදු නිලයක් දැරිය නොහැකි අයකු බවට නිර්දේශයක්ද ඉදිරිපත් කර තිබියදී ඔහුගේ නාම යෝජනාව නිලවරණ කමිටුව විසින් පිළිගෙන තිබීම විශේෂ සිද්ධියකි.
මෙවරද නිලවරණ කමිටුවේ සිටින්නේ පසුගිය වාරයේ සිටි නිලධාරීන්මය.
නිලවරණ කමිටුවේ සභාපති ලෙස විශ්‍රාමික විනිසුරු යූ. එල්. අබ්දුල් මජීඩ් මහතා කටයුතු කරන අතර, සාමාජිකයින් ලෙස විශ්‍රාමික විනිසුරු බන්දුල කේ. අතපත්තු සහ විශ්‍රාමික මේජර් ජෙනරාල් උපාලි ගුණසේකර යන මහත්වරු කටයුතු කරති.
ක්‍රීඩාවලට සම්බන්ධ වැරදි වැලැක්වීමේ විශේෂ විමර්ශන ඒකකය විසින් පාපන්දු සම්මේලනයේ හිටපු ල‌ේකම් යූ.එල්. ජස්වර් මහතාගේ අක්‍රමිකතා සම්බන්ධයෙන් ලබාදී තිබූ තීන්දුව පහත දැක්වේ.
No comments: